大廚教煮超易鹽焗花螺 螺尾食得嗎？

海鮮種類中，螺並不算熱門之選，但勝在易食，只需用牙籤一挑就得，兼啖啖肉，所以頗受愛戴。不過，你們知道香港常見的螺有甚麼種類嗎？TOPick請來西貢全記海鮮酒家負責人吳偉麟來解答。

吳偉麟說最常見的螺，包括東風螺、花螺及響螺。就外形而言，以響螺最為巨型，最大可達3斤重，身價也是最矜貴，1 斤便要約480元。其肉厚兼彈牙，亦有食療作用，可滋陰養顏，故煲湯最合適。

東風螺則最平價，皆因產量多，1斤(約20-30粒)只售$20-30，所以最多人食。但肉質就較腍身，鮮味稍遜，故適合用濃味食材來煮，如豉椒炒及冬蔭功煮等。

跟東風螺外貌有點相似的花螺，憑肉眼基本上都可分別得到，前者呈啡黑色，後者則有黑白斑紋，但花螺味道則勝一籌，肉質爽嫩及鮮味較濃，故用最簡單的方式煮，如鹽焗和烚已很美味了。

【延伸閱讀】教我如何煮靚蜆、沙白與花甲【有片】

▲ 響螺味道鮮甜及彈牙，用簡單的白灼方法，便可品嘗螺肉的特色。(陳偉能攝)

▲ 東風螺味道較淡，宜用濃味醬料作配搭，如用川椒炒便很合適。(陳偉能攝)

▲ 花螺很爽嫩，又很吸味，可用作辣酒煮，吸收酒的精華，香辣美味。(陳偉能攝)

【延伸閱讀】酒店大廚教煮蝦仁炒蛋　揀靚蝦要睇蝦頭

零難度鹽焗花螺

步驟：

1. 把清洗後的花螺用水煮約2至3分鐘，撈起，備用。

2. 把粗鹽放落鑊，炒至滾熱。

▲ (陳偉能攝)

3. 把花螺鋪在鹽上，焗20分鐘後，取起，灑上紅綠椒作裝飾便完成。

▲ (陳偉能攝)

▲ (陳偉能攝)

【延伸閱讀】入廚新手必學　大廚教4分鐘煮XO醬八爪魚

究竟螺尾吃得嗎？

經常有人問螺尾吃得嗎？不少人認為是污垢物，應要去掉。吳偉麟指，螺尾絕對食得，這部分的味道最濃重及腍身，日本人更喜歡用螺尾出來配飯，再佐以醬汁撈勻來食。

▲ 右邊黑色長條形的便是螺尾。(陳偉能攝)

▲ 西貢全記海鮮酒家負責人吳偉麟(陳偉能攝)

【其他熱話】甘牌燒鵝教分燒鴨燒鵝 點解鵝貴過鴨？

【其他熱話】解構大閘蟹10大謎團　點蒸蟹先正宗？

【其他熱話】本地肥牛、美國肥牛、和牛點樣分？

【其他熱話】日本料理常見生食熟食蝦　你識分嗎？

【其他熱話】咖喱汁 VS 沙嗲汁 　辣到冒汗的車仔麵辣汁